Chille iuerne ca sù partute
era ‘na festa ca non m’a’ scorde maie
me pare ri virè a mamma mia
sutte ‘ u cambanile addu sù nate.

Mamma me scriviè sembe
me riciete” Torna a casa tua”
t’aggia crisciute ccu pane
e senza pane e mò pecchè?
Haie perdute ‘a via ra casa?
Non pozze mò turnà mamma mia
Chi venghe a fa?
ppe mò non c’è fatiha.

Sta fatiha ca fazze lundane
e stu surore ca scurre mbronde
voglie bagnà ‘a terra mia
sule accussì sia bineritte Ddie.

Mamma me scrive sembe
e me ricete”Torna addu
Mamma tua
senza sapè ca stu core mie
penza sembe ‘a mamma
e u’ pajse mie.