Ninna Nanna

 Sabbellina Mia

RUERME SABELLINA MIA
Ruerme,Sabellina mia
rse nò le lacrime uastene le fiure
rorme,bella di mamma.
Non chiange ,Sabellina mia
ca si nò le fiure se uastene.
Sabellina, bella ri mamma
non chiange ca si nò le lahrime
mbracirene le fiure.
Ruerme, bella ri mamma.

E’ binuta ‘na Signora ru ciele
ha truzzulate a’ porta
e ha ditte:-Chi ha sta crijatura
ca chiangete?.

Quanne erese zinna
rurmiese nda naca
scinniene ll’angiulielle
ru ciele e ti vasavane.
Ruerme ,bella ri mamma
ruerme e non chiange cchiù.

ca si nò se ne vane ll’angiulielle
ppe non te virè chiange.
ruerme bella ri mamma.

Serenate

Fiore Gentile

Quanne nasciste tu, fiore gendile

‘a hrazia e le billezze t’aspettavene.

Nasciste u’ sbuccià ri le fiure
nda ll’aria se sindiene tante
profume e pure chille ri l’amore.

U sole spundanne se bluccàite
ppe non mbucà ll’aria.
‘A luna se firmàite ppe
‘nu quarte r’ora.

‘U viende purtàite ‘a nutizia
e rissete;- E’ nata ‘na riggina.

Quanne te battezzàine
ndu ciele c’era ‘na murra
ri angiule e t’ accumbagnavine
a’ chiesa nzieme a le gineture tue
ccu le pariende e riciene
:-E’ nata ‘nu fiore.

Viate a le ginetore ca t’hane nginetate
viate a chi te sposete.

Palumella mia, tu sì ‘na riggina
tu haie esse cummigliate
r’ore e r’argiende.

Tu sì ‘a patruna ra vita mia
hije aggia esse ‘u tue servitore.

Fiore gindile, tu sì ‘na stella
e lucese ppe bellezze e gindelezza.

Canti Religiosi

 U’ SPIRITE SANDE

Spirite sande r’aterne amore
viene e infiammeme stu core
viene e nfiammeme st’arma mia
ccu l’apuestele e ccu Maria.

Ru ciele calaste sembe
ccu le vambe ardente
quanne calaste o spirite hluriose.

Vurria patì e murì ppe Ddie
ppe salvà st’arma mia.

‘U Spirite Sande m’ha prumise
‘a morte,’a hloria e ‘u Paravise.

Canti di Lavoro

CANZONE DEL MIETITORE RIVOLTA ALLA MOGLIE

Migliera mia , non taramidà ‘ stu culore
agge state nda le cambe ri Crache mete hrane.
Ddje che cavure .chi calandra
vire le vambarelle nnande a ll’uecchie
iaunininne ‘nu picche sutte
‘u mbrie ri nu piraine a ripusà.
Tutte le mienze iuerne hane sunate
sule ‘u mie angora adda sunà
‘a patruna cca spesa non è binuta.
Ti prehe sahristane va lu sona
fa mangià a chi non ha mangiate angora.
T’u’ riche a ti frunna re limone
chi mangia mò se pozza strafucà.
T’u’ riche a te frunna ri viola
tu iettese ll’acqua e hjie ri sita morie.
T’u’ riche a te frunna ri limone
me parese ‘nu citruvule senza sapore.

Canti Politici

 PREHIERA RI NING NANG

Maronna mia uardeme le spalle
non me fà abbusc-ka’ manghe ‘na palla.

Hjie spare ppu Rre ca è cristiane
ca è bbuene assaie come ‘u pane
ca non u’ cangiarria manghe ppe suenne
né ccu Vittorie,né ccu aute
ppe chisse tu non m’haie fa mangà
pruvula e ne chiumme ppe sparà.

Se fazze fierre e fueche e piglie ll’ore
e non fà appurà a nisciune u trisore
ca serve ppe cummugliè ‘u mande tue
e ppe le spese ppe tirà nnande nuie.

Non storce musse se stanotte
se l’agge a tire spara ngune
coglie ndu cirivielle a le piezze hruesse.

Se nò lore me scafane ‘u fuesse
non riche ri mmannarme Mbaravise
non me fa vruscià tutte le mise
ndu fueche u mmienze ru Mbierne
non me rà sta cunnana aterna
ma segliemilla tu na bella via
chi sa s’avisse ngarrà accussì sia.

Lamenti Funebri

‘A MORTE RI MAMMA

Fridda ndu tavute
ccu vele nivure, mammamia ,
non risponnese cchiù’?
Te ricordese ‘u iuerne
ra prima cummunione
chi chiande te faciste
virenne le tacce ca
purtave sutte le scarpe
Peppinucce ,ngunecchiate
e tu chiangiese ppa
troppa miseria ca c’erete.

Te ricordese ‘u iuerne
ca me spusaie e tu
tanne me pirdiese
ccu ll’uecchie luciende
non vuliste chiange.
Mò staie citte e non
parlese cchiù.

Quanda fatiha haie fatte!
quande nuttate haie state
a ll’ erta a cuse e ripizzà,
aviese le mane iaccate ra lissija
ll’uecchie stanghe ppa fatiha
m’ ‘a vucca aviese a rise
e ‘u core sembe allehre.
e quande figlie, nure e nepute
e puè ri colpe ,tu non ci sì cchiù..

E come se rurmisse
te portene,te portene
u’ cambusande,
te mittene le mattune mbacce.

Attuerne attuerne le figlie
A nottete uardavene,
ohi mammarella mia!
come se rurmiese
se sù furnute le lahrime
ppe te chiange.
Mò tu staie nciele
Ohi mammarella mia
non aviese murì
L’amore e ‘u core ri ‘na mamma
sù aterne come Ddie